abc
The Lovers – შეყვარებულები The Hierophant – იეროფანტი The Emperor – იმპერატორი

ჰერმეს ტრისმეგისტოსის ზურმუხტის ფილა IX

ჰერმეს ტრისმეგისტოსის ზურმუხტის ფილა IX

მთარგმნელი: Man Gala

ჯგუფი ფეისბუქზე DREAMCATCHER, შეუცნობელი სამყარო

(სივრცის თავისუფლების გასაღები)

ყურადღებით იყავი და შეისმინე სიბრძნისა და სინათლის მომტანი ხმა ამ ციკლში, რომელიც დაგეხმარება განდევნო სიბნელე და შემოიტანს ნათელს შენს ცხოვრებაში.

ისწრაფე, იპოვო გზა, რომელიც მზის მსგავს მარადიულ სინათლემდე მიგიყვანს. ერიდე სიბნელის საფარს. გარდაიქმენი სინათლედ.

გახდი ამ სამყაროში თავმოყრილი მზის ენერგიის ჭურჭელი. მიაპყრე თვალები კოსმოსს.

იმღერე სინათლისა და სულის სიმღერა.

შექმენი მაღალი ვიბრაცია, რომელიც გაგხდის მთლიანთან ერთიანს და შეერიე კოსმოსს.
გახდი სინათლესთან ერთიანი, იყავი წესრიგის მომტანი და სამყაროს კანონის ბილიკი.
დიადია შენი სინათლე, რომელიც სხეულის წყვდიადში ანათებს. თავისუფლად უნდა შეძლო სიბნელიდან გამოსვლა ვიდრე სამყაროსთან ერთიანი გახდები. სიბნელის ჩრდილები გაკრავს გარშემო, ხოლო სიცოცხლე გავსებს დინებით.
მიმოიხედე, ადამიანო და ეცადე საკუთარი ბრწყინვალება დაინახო. თვით შენს გარშემო არსებულ სიბნელის საფარში ვრცელდება შენი სინათლე და მის გარეთ ასხივებს.
მუდამ სიბრძნე ეძებე.
ნუ დაუშვებ სხეულის ღალატს.
მუდამ სინათლის ტალღებისკენ იმოძრავე.
ერიდე ბნელ გზას.
სიბრძნე მარადიულია.
ყველაფრის წარმოშობის მომენტიდან არსებული ს უ ლ ი, ქმნის ჰარმონიას გ ზ ა დ არსებული კანონის ქაოსიდან. ისმინე სიბრძნე, რომელსაც წარსულიდან მოლაპარაკე ხმა გაწვდის. გიწილადებ სიბნელეში დაფარულ და დროთა განმავლობაში დაკარგულ ცოდნას და სიბრძნეს.
იცოდე, რომ შენ ხარ ყველაფრის საზღვარი. მხოლოდ ეს ცოდნა დაიკარგა სწორედ მაშინ, როდესაც ადამიანი ბნელმა ძალებმა დაიმონეს და ბორკილებში დაატყვევეს.
როდესაც იმყოფები სხეულში – არ წარმოადგენ არაფერს.
სული ყველაფერია.
ნუ მისცემ სხეულს საშუალებას გახდეს შენი ბორკილი.
დატოვე სხეული და შეუერთდი სინათლეს. სინათლეს, რომელიც ჭეშმარიტად ერთია ერთიანთან.
როდესაც გათავისუფლდები და სივრცეში იარსებებ, ნუ დაივიწყებ, რომ სივრცეს აქვს კანონები – ის შემოსაზღვრულია კუთხეებით და ხვეულებით (მრუდებით. რკალებით Man Gala).
იცოდე, რომ ყველაფერი არსებული მომავლის ასპექტს წარმოადგენს – ბევრად დიდებულის ნაწილს.
მატერია სითხეა, რომელიც მუდმივად მოედინება და გარდაიქმნება ერთი არსიდან მეორეში.
მთელი საუკუნეების მანძილხე არსებობდა უცვლელი ცოდნა, რომელიც არ დაკარგულა, მაგრამ ადამიანის მიერ მივიწყებულია.
სივრცეში, რომელშიც არსებობ, სხვა მსგავსი დიდი სივრცეებიც მდებარეობს, რომლებიც შენი მატერიის გულშია გადაბმული და ამასთანავე არსებობენ ცალკე.
ერთხელ, ძალიან დიდი ხნის წინ, შევძელი და გავაღე სხვა სივრცეებში გამავალი კარიბჭე და შევისწავლე მრავალი დაფარული საიდუმლო. ღრმად, მატერიის შუაგულში, მრავალი მათგანია დაფარული. ცხრა გადაბმული განზომილება და სივრცის ცხრა ციკლი.
ცნობიერების ცხრა გამოვლინება და ცხრა სამყარო სამყაროში.
ციკლის ცხრა მბრძანებელი, მოსული მაღლიდან და ღრმა სივრცეებიდან.
სივრცე სავსეა მრავალი საიდუმლოთი, რადგან ის დაქუცმაცებულია დროის მიერ.
ეძებე დროისა და სივრცის გასაღები და გაიღება კარიბჭე.
იცოდე, რომ ყველგან, დროსა და სივრცეში არსებობს ცნობიერება. მართალია ჩვენთვის დაფარული, მაგრამ ის მუდმივად არსებობდა.
შენში არსებული სამყაროების გასაღები, მხოლოდ შენშია, რადგან ადამიანი ერთიანობასთან შერწყმული საიდუმლო და მისივე გასაღებია.
ეძებე ციკლის საზღვრებში.
გამოიყენე ს ი ტ ყ ვ ა, რომელსაც მოგცემ.
გააღე კარიბჭე შენში და ჭეშმარიტად იცხოვრებ.
ადამიანო, შენ გგონია რომ ცოცხალი ხარ, მაგრამ ეს მხოლოდ სიცოცხლეა სიკვდილში, რადგან მიჯაჭვული ხარ საკუთარ სხეულს და შენთვის არ არსებობს სიცოცხლე.
მხოლოს სივრცისგან თავისუფალი სული ფლობს ნამდვილ სიცოცხლეს.
ყველაფერი დანარჩენი უბრალოდ ბორკილია, რომლისგანაც უნდა გათავისუფლდე.
ნუ იფიქრებ, რომ ადამიანი მიწიერი არსებაა, მიუხედავად იმისა რომ ის მიწისგან წარმოიშვა.
ადამიანი მანათობელი სულია, მაგრამ ცოდნის გარეშე ვერასოდეს გახდება თავისუფალი.
სიბნელე აკრავს გარშემო და ზღუდავს მის სულს.
მხოლოდ მაძიებელს შეიძლება ჰქონდეს გათავისუფლების იმედი.
მთელ სივრცეს წყვდიადი აკრავს გარს.
ანათე ადამიანის სულის სინათლევ.
შეავსე ბნელი ნათელით.
შენ – დიადი შუქის მზე ხარ.
გახსოვდეს ეს და გათავისუფლდები.
დააღწიე თავი ღამის წყვდიადს.
დაე სინათლედ იქცეს შენი სული – მზისგან გაჩენილი და ბრწყინვალე ნათელით სავსე.
შენ ყველა საიდუმლოს გასაღები ხარ.
შენშია თავმოყრილი ყველა სახის დრო და სივრცე.
ნუ ცხოვრობ ბნელში და გაათავისუფლე შენი შუქის ფორმა ღამის მონობისგან.
„დიდებულო სინათლევ, რომელიც ავსებს მთელ კოსმოსს, შექმენი ადამიანის სხეულისგან ჩირაღდანი, რომელიც არასოდეს ჩაქრება.“
დიდი ხნის წინ, წარსულში ვეძებდი ადამიანისთვის უცნობ ცოდნასა და სიბრძნეს.
შორს წარსულის სივრცეში მომიწია დაბრუნებამ, რათა ჩემთვის ცნობილი სიბრძნისთვის ახალი შემემატებინა. მხოლოდ იმიტომ, რომ დავრწმუნებულიყავი – სიბრძნის გასაღები მომავალში მდებარეობს.
ამენტის დარბაზებში ჩავედი რათა ციკლების მეუფეებისთვის რჩევა მეკითხა და გზა ეჩვენებინათ.
და ვკითხე მათ: „სად იმყოფება ყველაფრის წყარო?“
ცხრის მბრძანებელმა მიპასუხა: „გაათავისუფლე სული სხეულიდან და მომყევი.“ გამოვედი სხეულიდან სიბნელეში მანათობელი ცეცხლის ალივით.
წარვსდექი მეუფეების წინაშე, სიცოცხლის ალში მობანავე.
შემიპყრო ადამიანისთვის უცნობმა ძალამ და გადამიშვა სივრცეთშორის უფსკრულში.
ვიხილე წესრიგის ქაოსიდან და ღამის კუთხეებიდან ფორმირება.
ვიხილე წესრიგიდან გამომავალი შუქი და გავიგე მისი ხმა.
ვიხილე შუქისა და წესრიგის მომტანი უფსკრულის ცეცხლი.
ვიხილე ქაოსიდან გამომავალი წესრიგი და მაცოცხლებელი სინათლე.
შემდეგ მომესმა: „ისმინე და დაიმახსოვრე. ცეცხლი წყაროა, რომელიც ყველაფერ არსებულს შეიცავს. წესრიგი, რომელიც წარმოქმნის სინათლეს, არის ს ი ტ ყ ვ ა, ხოლო სიტყვისგან წარმოიქმნება ს ი ც ო ც ხ ლ ე და ყველაფრის არსი. შენში არსებული სიცოცხლე არის სი ტ ყ ვ ა. მოძებნე ს ი ც ო ც ხ ლ ე შენში და შეიძენ ს ი ტ ყ ვ ი ს ძალას.“
დიდი ხანი ვაკვირდებოდი ცეცხლის ესენციიდან გამომავალ სინათლის ალს და ვაცნობიერებდი, რომ ს ი ც ო ც ხ ლ ე წესრიგია, ხოლო ადამიანი ცეცხლთან ერთიანი.
ამის შემდეგ დავბრუნდი სხეულში და კვლავ ვისმენდი მძლავრი ვიბრაციიდან გამომავალ ხმას: „ს ი ც ო ც ხ ლ ე არის ც ე ც ხ ლ ი ს სიტყვა. ც ხ ო ვ რ ე ბ ი ს ძალა, რომელსაც ეძებ, არის სამყაროში არსებული ცეცხლის ფორმით არსებული ს ი ტ ყ ვ ა. ეძიე ს ი ტ ყ ვ ი ს გზა და ძალები შენ დაგექვემდებარებიან. “
შემდეგ ვთხოვე ცხრას: „მეუფევ, მიმითითე სიბრძნის გზაზე. მიჩვენე ს ი ტ ყ ვ ი ს გზა.“
მეუფემ მიპასუხა: „წესრიგში იპოვი გზას. ვერ ნახე, რომ ს ი ტ ყ ვ ა ქაოსიდან წარმოიშვა? ვერ ნახე რომ ს ი ნ ა თ ლ ე გაჩნდა ც ე ც ხ ლ ი დ ა ნ? იპოვნე შენს ცხოვრებაში არეულობა და დააბალანსე. გაანადგურე ემოციების ქაოსი და შეიძენ ც ხ ო ვ რ ე ბ ი ს წესრიგს.
ქაოსიდან მოტანილი წესრიგი, მოგიტანს ს ი ტ ყ ვ ა ს, მოგცემს ციკლების ძალას და შენ სულს გადააქცევს ენერგიად, რომელიც საუკუნეების განმავლობაში იარსებებს მზის მიერ სრულყოფილი. “
მე ყოველთვის იმ წესრიგისკენ მივისწრაფოდი, რომელიც ს ი ტ ყ ვ ა ს თ ა ნ დამაახლოვებდა. ის ვინც ამას მიაღწევს, საუკუნოდ უნდა დამორჩილდეს წესრიგს, რადგან არასოდეს მოხდება ს ი ტ ყ ვ ი ს ძალით არეულ მდგომარეობაში მოქმედება.
მიიღე ეს სიტყვები, როგორც შენი ცხოვრების ნაწილი.
დაამარცხე არეულობა და გახდები ს ი ტ ყ ვ ა ს თ ა ნ ერთიანი.
ისწრაფე მზის ბრწყინვალებასთან ერთიანობისაკენ.
ისწრაფე იყო მხოლოდ სინათლე.
მოუფრთხილდი აზრებს და გამოიყენე ისინი რათა სინათლე შეიძინო.
იცოდე, რომ ყველაფერი, ნათელში გაჩენილი მათი ქაოსის წესრიგია.

(Visited 1,344 times, 1 visits today)